இனி தனியார் பள்ளிகளுக்கு டாடா! பெற்றோர்கள் அரசுப்பள்ளிக்கு கணினி வழங்கி மாணவர் சேர்க்கை.!

➠❄கணினி கல்வியின் புதுமை❄➠

திருத்தணி: அரசு பள்ளிக்கு பீரோ, கணினி மற்றும் 20 வகையான பொருட்களை சீர்வரிசையாக கொடுத்து, 14 பெற்றோர், தங்கள் குழந்தைகளை பள்ளியில் சேர்த்தனர்.திருத்தணி ஒன்றியம், பாகவதாபுரம் கிராமத்தில் உள்ள ஊராட்சி ஒன்றிய தொடக்கப் பள்ளியில், வரும் கல்வியாண்டிற்கான மாணவர் சேர்க்கை ஊர்வலம் மற்றும் பேரணி நடந்தது.மாவட்ட தொடக்கக் கல்வி அலுவலர் ஞானசேகரன், திருத்தணி உதவி தொடக்கக் கல்வி அலுவலர்கள் பாபு, மோகன், பள்ளி தலைமை ஆசிரியர் ரவி ஆகியோர் பங்கேற்றனர்.கல்வி அதிகாரிகள் முன்னிலையில், நேற்று, 14 மாணவ -- மாணவியர், வரும் கல்வியாண்டில் சேர்க்கப்பட்டனர்.மாணவர்களின் பெற்றோர் பீரோ, கணினி, பிரின்டர், நாற்காலிகள், மேஜை, கடிகாரம் உட்பட, 20 வகையான பொருட்களை, சீர்வரிசையாக பள்ளிக்கு அளித்தனர்.ஆசிரியர்கள், புதிய மாணவர்களுக்கு மலர் மாலை அணிவித்து, வரவேற்றனர். சிலேட், புத்தகங்களையும் வழங்கினர்.இது தவிர, மாவட்ட தொடக்கக் கல்வி அலுவலர் ஞானசேகரன், புதிய மாணவர்களுக்கு தேவையான புத்தகங்கள் வாங்குவதற்கு, 1,000 ரூபாயை, பள்ளி தலைமை ஆசிரியரிடம் வழங்கினார்.உதவி தலைமை ஆசிரியர் ஏழுமலை உட்பட, கிராம மக்கள் மற்றும் மாணவர்கள் பங்கேற்றனர்.